البلوفر

نص عامي ساخر بغرض السخرية من سياسات بعينها وليس من أشخاص

ياللى شتمت البلوفر

ده عيب ما بعده عيب

جوَّه البلوفرْ غضنفر

مش طفل م ِالأنابيب

جايب لِكُوا البونبوناية

يا شلَّةِ الألاعيب

..

ماله البلوفر قولولي

جايبه بُحُرِّ الجيب

أصلي ياد انتَ ابن سوقْ

بلوفرجي من زمان

ولا بعد ذوقي ذوقْ

أفدى البلوفر كمان

وأنول رضا الجلاليبْ

...

عاش البلوفر عاشْ

كأنهْ جه ومجاش

يا شلة الأوباش

..

عاش اللى لما تْسأل

ولا عمره رد بشيء

كان فين ده يوم الجمل

وعامللى نفسه برىء

..

آهين وآه يا جدع

جوه البلوفر خِدَع

ملدوع ولمَّا لدع

..

راجع بيسحب ناعم

فاكْر اللى شايف نايم

..

يا حضرة المحترم

طب غيَّر الماركة

شكل البلوفر قِدِم

والسكة مش سالكة

..

عاش البلوفر عاش

راجع كأن اللى كان

كان فص ملح وباشْ

عاش البلوفر عاش

..

تحريري قلْب الهوى

يا معلمِ الزفة

منين ألاقي دوا

م الشوق وم اللهفة

..

أول دواك يا قُليب

بلا طب أو تطبيب

يمشى اللى جوه البلوفر

جوه البلوفر داء

معجم من المطْوَحة

من الألف للياء

..

جوه البلوفر ايه

جوه البلوفر ديب

..

ياللى شتمت البلوفر

ده ْعيب ما بعده عيب ..!!